19 августы Республикæ Хуссар Ирыстоны Фæсарæйнаг хъуыддæгты министр Джиоты Мурат райста йæхимæ Хуссар Ирыстоны Æхсæнадæмон Сырх Дзуары Комитеты минæварады сæрдар Нальан Антмены.

Конструктивон æмæ бæстон ныхасы рæстæджы дзырд цыд, Æхсæнадæмон Сырх Дзуары Комитеты Миссийы Хуссар Ирыстоны архайды æппæт фарстатыл, сæрмагондæй, Антмен радта информаци организаци цы куыст бакодта фæстаг мæйты дæргъы, уый тыххæй. Радзырдта ныртæккæйы проектты æмæ æввахс периоды пъланты тыххæй.

Джиоты М. позитивон аргъ скодта Сырх Дзуары Миссийы æмгуыстадæн хуссарирыстойнаг структурæтимæ, сæ мандатмæ гæсгæ цы гуманитарон проекттæ аразынц, уыдон ахсджиагдзинадæн.

Антмен дæр бузныджы ныхæстæ загъта хуссарирыстойнаг фарсæн Миссийы архайдæн æдзух цы æххуыс кæны, уый тыххæй.

Нысангонд æрцыд æргом диалогмæ æмæ дарддæры координацигонд куыстмæ дыууæварсон тырнындзинад.