2013 азы 9-æм августы Республикæ Хуссар Ирыстоны Фæсарæйнаг хъуыддæгты министрады Фæсарæйнаг хъуыддæгты министр Санахъоты Д.Г. фембæлдис Итали-Хуссар Ирыстоны хæлардзинады Æхсæнады Президент профессор Мауро Мурджиайы сæргълæудæй Италийы делегацийыл.

2013 азы 2 сентябры Уæрæсейы Федерацийы Фæсарæйнаг хъуыддæгты министрады Республикæ Хуссар Ирыстоны Фæсарæйнаг хъуыддæгты министр Санахъоты Д.Г. фембæлдис Уæрæсейы Федерацийы Фæсарæйнаг хъуыддæгты министры хæдивæг статс-секретарь Г.Б. Карасинимæ.

2013 азы 26 августы Тирасполы горæты «Свободная Евро-Азия»-йы Фонды Сæрдары æрхуындмæ гæсгæ Куырыхонты Советы Куырыхонты Советы Сæрдар Г.С. Маракуцы хицауиуæгадæй уагъд æрцыдысты æргом экспертон байхъуыстытæ ахæм темæйыл: «Уæрæсе æмæ Приднестровье: экономикон, социалон æмæ гуманитарон интеграци». Хайад дзы райстой Республикæ Хуссар Ирыстоны Минæварады Сæргълæууæг Приднестровьейы С. Сураго æмæ йæ хæдивæг С. Мясников.

Байхъуысты докладтæ сарæзтой Приднестроваг Молдоваг Республикæйы Хицауады Сæрдар Т.М. Туранская, Сæйраг Советы Сæрдар М.П. Бурла, социалон фарстаты фæдыл Хицауады Сæрдары хæдивæг Н.Г. Никифорова, афтæ ма АНО «Евроазиаг интеграци»-йы директор А.В. Аргунов.

Æхсæвы 7-æм августæй 8-æм августмæ Республикæ Хуссар Ирыстоны Приднестроваг Молдоваг Республикæйы Официалон Минæварады уагъд æрцыдыстызæрдылдарæн мадзæлттæ Республикæ Хуссар Ирыстоны ныхмæ гуырдзиаг хотыхджын агрессийыл фондзазы сæххæсты цытæн. РХИ Минæварады Приднестровьейы Сæргълæууæг Сергей Сураго йе’мкусджытæ æмæ тираспойлæгтæ, кæд рæгмæ уыдис, уæддæр æрæмбырд сты, цæмæй ссардтаиккой Цхинвалы сабыр цæрджытæй æмæ йæ хъахъхъæнджытæй мард чи фесты, уыдоны рухс нæмттæ.

Æрымбырджыты раз раныхас кодта Республикæ Хуссар Ирыстоны Приднестроваг Молдоваг Республикæйы Официалон Минæварады Сæргълæууæг Сергей Сураго. Уый банысан кодта, зæгъгæ, приднестровьеæгтæ хæсты тæккæ райдианæй фæстæмæ иузæрдионæй уыдысты сæ хуссарирыстойнаг æфсымæрты æвварс, активон хайад истой информацион блокадæ атоныны хъуыддаджы, дунеон æмæхсæнадмæ сидтысты, цæмæй урæд æрцыдаит тугкалд. ПМР бархионтæ хайад истой пырхгонд Цхинвалы сæндидзын кæныны дæр. 2008 азы августы кæрон уырдæм æрцыдис аварион-ирвæзынгæнæг къорд.

2013 азы 7-8 августы Республикæ Хуссар Ирыстоны уагъд æрцыдысты зæрдылдарæн мадзæлттæ Республикæ Хуссар Ирыстоны ныхмæ Гуырдзыстоны хотыхджын агрессийыл фондз азы сæххæсты боны цытæн.

2013 азы 1 августы, мысæн æмæ фыдохы боны Тирасполы уагъд æрцыдысты саударæн мадзæлттæ, Днестрыл республикæ хъахъхъæнгæйæ гарзджын конфликты рæстæджы фæмардуæвджыты цытæн. Традицимæ гæсгæ Кады Мемориалыл уагъд æрцыдис митинг-реквием æмæ йыл сæвæрдтой дидинджытæ. Митингы хайад истой Хицауады Сæрдар æмæ уæнгтæ, Сæйраг Советы Сæрдар æмæ депутаттæ, Президенты Администрацийы минæвæрттæ, министрадтæ æмæ уагдæтты къухдариуæггæнджытæ, афтæ ма æхсæнадон æмæ патриотикон организацитæ.

30 июлы Республикæ Хуссар Ирыстоны Фæсарæйнаг хъуыддæгты министр Санахъоты Давид йæхимæ райста Сырх Дзуары Дунеон Комитеты Цхинвалы офисы Сæргълæууæг Валентина Кимы.

Фембæлды рæстæджы уынаффæ цыдис Сырх Дзуары Дунеон Комитеты архайды фарстаты фæдыл Хуссар Ирыстоны, сæрмагондæй æхсин Ким министрæн информаци радта фæстаг мæйты йæ организаци цы куыст кодта, уый тыххæй. Кæрæдзийæн сæ хъуыдытæ загътой, дыууæтæ дæр кæмæ цымыдис кæнынц, къорд ахæм фарстаты фæдыл.

2013 азы 25-26 июны Женевæйы дунеон дискусситы фæлгæтты уыдис Фæскавказы æдасдзинад æмæ стабилондзинады радон раунд. Уым хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ делегацитæ, афтæ ма ЕЦ, БНО æмæ ЕЦÆО. Хуссарирыстойнаг делегацийы сæргъ лæууыдис фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К.

2013 азы 27 июны мыхуырæй рацæудзæнис газет «Вестник Республики Южная Осетия»-йы сæрмагонд рауагъд. Уадзы йæ Республикæ Хуссар Ирыстоны Официалон Минæварад Приднестроваг Молдоваг Республикæйы. Ацы рауагъд цæуы, куыд ПМР республикон газет «Приднестровье»-йы уæлæмхасæн, афтæ, 2009 азы февралæй фæстæмæ æрвыл квартал дæр.

2013 азы 6 июны Республикæ Хуссар Ирыстоны Фæсарæйнаг хъуыддæгты министр Санахъоты Д.Г. йæхимæ райста Республикæ Хуссар Ирыстоны Сырх Дзуары Дунеон Комитеты Минæварады ног Сæргълæууæг Валентинæ Кимы.

Фембæлды рæстæджы бауынаффæ чындæуыд æмкуысткæнынады бындурон аспекттыл, сæйраджыдæр та уынаффæ цыдис, гуманитарон æмæ социалон характер кæмæн уыдис, къорд ахæм практикон фарстытыл.

Министр ныфсдзинад загъта, Сырх Дзуары Дунеон Комитетимæ дарддæры ахадæн æмкуыст кæй цæудзæн, уый тыххæй.