Сообщения МИД РЮО

Archive

5 апрелы Республикæ Хуссар Ирыстоны Фæсарæйнаг хъуыддæгты министр Джиоты М.К. райста йæхимæ Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæ æмæ Республикæ Никарагуайы Козаты Н.З.

Козаты Н.З. радзырдта Министрæн йæ визиты деталты тыххæй Венесуэлæмæ, цыран Хуссар Ирыстоны делегаци хайад иста Венесуэлæйы Президент Уго Чавесы мæлæты бонæй 4 азы рацыды цытæн уагъд мысæн мадзæлтты.

Фембæлды рæстæджы ма дзырд цыд Венесуэлæ æмæ Никарагуаимæ хæларадон ахастытæ фидар кæныны куысты актуалон фарстатыл.

4 апрелы РХИ Фæсарæйнаг хъуыддæгты министрады æмкусджытæ æрбахастой Республикæ Хуссар Ирыстоны Уæрæсейы Федерацийы Минæварадмæ дидинджытæ, 3 апрелы Санкт-Петербурджы террористон акты фæстиуæгæн чи фæмард, уыдон ном арынæн.

Хуссар Ирыстоны æмбæстæгтæ боны дæргъы Республикæ Хуссар Ирыстоны Уæрæсейы Федерацийы Минæварады агъуыстмæ хастой дидинджытæ, Уæрæсейы Федерацийы адæмæн тæфæрфæс кæнгæйæ.

Теракты чи бахауд, уыдон нымæцы ис Хуссар Ирыстоны гуырд Хаситы Виталий. Уый ныртæккæ ис Санкт-Петербурджы рынчындонтæй иуы.

Цхинвал, 2017 азы 5 апрель

 

 

31 марты Мæскуыйы уыд фембæлд Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Наримæн æмæ ногæй снысангонд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Республикæ Хуссар Ирыстоны Карлос Рафаэль Фария Тортосимæ.

Фембæлды рæстæджы хъуыдытæ загъдæуыд Хуссар Ирыстон æмæ Венесуэлæйы æхсæн хæларадон ахастытæ райрæзты æмæ дыууæварсон æмгуыстады перспективæты фæдыл.

Цхинвал, 2017 азы 3 апрель

 

2017 азы 9 апрелмæ снысангонд Республикæ Хуссар Ирыстоны Президенты æвзæрстытæ æмæ Хуссар Ирыстонæн йæ историон ном Паддзахад Алани раздахыны тыххæй Референдумы фæдыл РХИ Фæсарæйнаг хъуыддæгты министрады уыд Министрады æмкусджыты иумæйаг æмбырд.

Бæстонæй æрдзырдæуыд Республикæйы мидполитикон ситуацийыл, æмæ йæ барадон фæлгæтты кæй хъæуы бавæрын, уый æнæмæнгхъæуæгдзинад та бахаххгонд æрцыд.

17 марты Республикæ Хуссар Ирыстоны Фæсарæйнаг хъуыддæгты министр Джиоты Мурат æмæ Днестргæрон Молдаваг Республикæйы Фæсарæйнаг хъуыддæгты министр Виталий Игнатьев аныхас кодтой телефонæй.

Ныхасы рæстæджы дзырд цыд Республикæ Хуссар Ирыстон æмæ Днестргæрон Молдаваг Республикæйы æхсæн дыууæварсон ахастыты райрæзты фарстатыл. Уымæй дарддæр ма æрдзырдæуыд кæрæдзийæн цымыдис чи æвзæрын кæны, ахæм фарстатыл.

Цхинвал, 2017 азы 17 март

 

14 марты Республикæ Хуссар Ирыстоны Фæсарæйнаг хъуыддæгты министр, Фæсконфликтон фарстатæ æрбæстон кæныны фæдыл Республикæ Хуссар Ирыстоны Президенты Æххæстбарджын минæвар Джиоты М.К. æмæ Фæскавказы æдасдзинад æмæ стабилондзинады фæдыл Женевæйаг дискусситы хуссарирыстойнаг хайадисджытæ фембæлдысты Фæскавказы æдасдзинад æмæ стабилондзинады фæдыл Женевæйаг дискусситы Уæрæсейы Федерацийы делегацийы уæнгтæ А.А. Двинянин æмæ М.М. Кулахметовимæ.

Боливариайнаг Республикæ Венесуэлæмæ визиты фæлгæтты 7-8 марты Каракасы уыд дыууæварсон консультацитæ Республикæ Хуссар Ирыстоны Фæсарæйнаг хъуыддæгты министрад æмæ Боливариайнаг Республикæ Венесуэлæйы Адæмон хицауады фæсарæйнаг хъуыддæгты делегациты æхсæн.

Дарддæр кæны Республикæ Хуссар Ирыстоны делегацийы визит Венесуэлæмæ. Делегацийы сконды сты Фæсарæйнаг хъуыддæгты министры хæдивæг Коцты Алан æмæ Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Нарим.

Хуссарирыстойнаг делегаци хайад райста Венесуэлæйы лидер Уго Чавесы мæлæтыл цыппар азы сææхæсты цытæн мысæн мадзæлтты. Делегаци фембæлд Уæрæсейы Федерацийы Минæвар Венесуэлæйы Владимир Заемскиимæ. Уымæй дарддæр ма уыд фембæлдтытæ æндæр бæстæты делегациты минæвæрттимæ, кæцытæ истой хайад мысæн мадзæлтты.

7 марты Цхинвалы уагъд æрцыд Женевæйаг дискусситы делегацийы хуссарирыстойнаг хайадисджыты, сæ сæргъ РХИ Фæсарæйнаг хъуыддæгты министр, Фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К. кусæгон фембæлд Женевæйаг дискусситы Фæскавказы æдасдзинад æмæ стабилондзинады фарстаты фæдыл æмсæрдæрттимæ ЕЦ, ОБСЕ æмæ ИНО-йæ, кæцытæ æрцыдысты Республикæмæ дискусситы 39-æм раунды агъоммæ.

Фембæлды рæстæджы дзырдæуыд, ацы азы марты мæйы фæуды Женевæйаг дискусситы радон раунды рæстæджы ныхас цы проблемæтыл хъуамæ цæуа, уыдоныл.

5-7 марты Каракасы уагъд цæуынц Венесуэлæйы Президент Уго Чавесы мæлæтыл 4 азы сæххæсты боны цытæн мысæн мадзæлттæ.

Венесуэлæйы къухдариуæгады æрхуындмæ гæсгæ Каракасы ис Республикæ Хуссар Ирыстоны делегаци. Йе сконды сты Республикæ Хуссар Ирыстоны Фæсарæйнаг хъуыддæгты министры хæдивæг Коцты А.К. æмæ Республикæ Хуссар Ирыстоны Уæлвæткон æмæ Æххæстбарджын минæвар Боливариайнаг Республикæ Венесуэлæйы Козаты Н.З.

5 марты делегацийы уæнгтæ хайад райстой цытджын церемонийы, кæцы уагъд æрцыд Команданте Чавесы марды саркофаг цы Революцийы музейы ис, уым.

13 февралы Республикæ Хуссар Ирыстоны Фæсарæйнаг хъуыддæгты министр Джиоты Мурат райста йæхимæ Хуссар Ирыстоны Æхсæнадæмон Сырх Дзуары Комитеты минæварады сæрдар Нальан Антмены, уый йæ архайд Миссийы сæрдары бынаты фæуыд кæны.

Ныхасы рæстæджы дзырд цыд Æхсæнадæмон Сырх Дзуары Комитеты минæварады архайдыл Республикæ Хуссар Ирыстоны.

Г-жа Антмен радзырдта, Минæварад йæ мандаты фæлгæтты гуманитарон программæтæ куыд реализаци кæны, уый тыххæй æмæ сбæрæг кодта 2017 азмæ нывæзт.

8 февралы Республикæ Хуссар Ирыстоны Фæсарæйнаг хъуыддæгты министр Джиоты М.К. æмæ Днестргæрон Молдаваг Республикæйы Фæсарæйнаг хъуыддæгты министр Игнатьев В.В. ныхас кодтой телефонæй.

Ныхасы рæстæджы дзырд цыд Республикæ Хуссар Ирыстон æмæ Днестргæрон Молдаваг Республикæйы æхсæн дыууæварсон ахастытæ дарддæр райрæзыны фарстатыл. Банысангонд æрцыд æхсæнадæмон æмгуыстады фарстатæм иухуызон ахаст кæй ис республикæтæн, уый.

Дзырд ма цыд кæрæдзийæн цымыдис чи æвзарын кæны, ахæм фарстатыл.

Цхинвал, 2017 азы 8 февраль